رايقة
آه يا رايقة
كل حاجة عليكِ لايقة
لون عيونك
طبع الحسن
إللي ف خدودك
و لا عودك وإنتِ ماشية
تميلي عايقة
آه يا رايقة
نفسي أسأل يوم جنابك
إيه يابت إللي نابك
ياللي روحي فيكِ دابت
ليه في دلالك
ياختي سايقة
آه يا رايقة
نفسي أقهر يوم ظنونك
بس خايف من جنونك
و الغرام إللي ف عيونك
عمري أعيشه
إزاي بدونك
آه يا رايقة
السعادة ف عيني غابت
لما عينهم ليكِ صابت
ياما ناس ع الخلق عابت
وأما دارت يوم وخابت
قامت رجعت تاني تابت
آه يا رايقة
الشعرات
في راسي شابت
قلبي عاشق بس ثابت
ع الرجولة وع الثوابت
آه يا رايقة
نفسي يجي يوم وأزورك
يوم ما ترمي
توب غرورك
بس تبقى دماغي فايقة
آه يا رايقة
كُل حاجة عليكِ لايقة
بقلم/ وحيد صبري
